Solo tete'e

Solo tete’e

Polokalame E Lelei Mo oe Talofa lava.

Na ou matamata I solo tete’e ma ou fa’alogo I fa’atalatalanoaga I manatu fa’aalia ma le mafuaaga o le Solo Tete’e.

Ona o le tatau ona mauluga totogi aua “ O matou o tagata faigaluega lelei ma o le totogi lelei e taui lea e tatau ai ma le galuega lea e fai.

Na faamanatu mai I lou mafaufau se matanu o se tasi o faifeau.

E fa’apea o tagata uma e faatalitali  I le aso totogi payday.

E leai se tagata e maua mai lona totogi ona alu loa lea I le pule ma faalalolalo iai ma fai atu I le pule ,

Faafetai bozz I lenei totogi , tate fefe e ave aua tate lei iloa e  maua mai se nei totogi aua o ai a’u nei ua e totogi ail au galuega.

Afai e alu faapena se tagata I lana pule pe a maua le totogi. E fa’apea le pule o le tagata lea pe iai se fa’aletonu I le mafaufau.

Aua o le totogi o le galuega o loo e galue ai e le o se mea alofa o le totogi e tatau ai ma lau galuega.

Na saini ai lau konekarate, na e malie I le totogi ao lei galue. O lona uiga o le totogi o le galuega e le ose totogi I le alofa ae ..o le totogi o lau tautua.

Ae o le tama o aiga o le Malo ole  Atua e iai lona eseesega. E leai se konekarate e sainia ma le Atua I le totogi.

A vaai I le itu fa’aleagaga. O le totogi e tatau ai o le oti ona o le agasala.

O le upu moni e matu’ai gau lava tatou. Leai se fa’amoemoe e fa’avavau.

Leai se lelei, leai se amiotonu I totonu o tatou tagata e onomea ma tatau ai se totogi I le amiotonu.

E tutusa uma le tulaga o tagata I luma o le silafaga a le Atua pe amio lelei pe amio le lelei..

O lona uiga e leai se tagata e iai se ai a tatau e solo tete’e ai ina ia sili lona totogi nai le isi tagata.

Ia faafetaia le Atua , ona o Iesu Keriso ua ta’uamiotonuina  ai tagata uma ..O tagata uma e omai I le Atua ma loto maualalo ma faamoemoe I le alofa tunoa..e totogi ai agasala..Ae le o galuega e faia.. “Ua ta’uaniotonu ina I tatou I le faatuatua ua tatou lelei ai ma le Atua.( Roma 5:1)

O le tagata o loo fia faalelei I le Atua I lona malosi ma lona lelei ..O lena ete solo tete’e I le Atua.

Ua totogi e Iesu o tatou agasala uma..

Ia talia ma alofa ia te Ia e te ola ai.Ma manatua “E lelei Mo oe”