Friday, October 8, 2010

Alofa tunoa leai se agavaa

O le alofa tunoa e leai sona agava’a.
Polokalame E lelei mo oe Talofa lava.
Ua le ma fa’amatalaina le fa’ateteleina o mala ma puapuaga ua aafia uma ai tagata.
E pei ona tatou iai I lenei seneturi ua tele ina sosola ma le maua ma fa’asalaina tagata
Fai mea leaga ae ua mafatia tele tagata o lo’o taumafai e ola faamaoni ma usiusita’i I tulafono
Mo le lelei o le nonofo ai o tagata I lenei atunu’u ma le lalo lagi atoa.
O tagata gaoi ma fasioti tagata ua saoloto pea. Ua fesiligia e le toatele le mana malosi o le Atua Soifua po’o fea o iai ua le mafai ai ona taofia ma fa’asalaina tagata o lo’o fai pea le agasala ma fa’aleagaina ai tagata o loo faia mea lelei.Ua maliliu tagata lelei I fa’alavelave tutupu mai, E foliga mai ua malaia tagata amio lelei ae tu’usa’oloto tagata agasala.
Ua o’o mai le le mautonu I loto o tagata ua iai le fesili. “O fea ea o iai le Atua??? O ona silafia ea nei mea e tutupu?? “ O ona silafia ea ua maliliu ma tigaina tagata lelei ae o loo saoloto tagata amio leaga?
O le Tusi e 24 a Iopu tatou te maua ai le lagona lea na tali atu Iopu ia Elifasa. “ UA LE LILO TAUSAGA I LE ONA LE MALOSI UMA LAVA, O LENEI SE A LE MEA UA LE ILOA AI ONA ASO E I LATOU UA MASANI MA IA?
Ua si’i tuaoi e nisi, ua latou faoa le lafu mamoe, Ua latou avea le asini a e ua aumatua, ua latou ave le povi al e fafine ua oti lana tane e fai ma mea tu’u fa’a fa’atau.
Ua latou tuleia e ua matitiva mai le ala, Ua lalafi fa’atasi ma e puapuagatia I le nu’u. Ua latou selesele mea e faga a’i a latou manu ma fanau I fanua ‘ese.Ua latou tau le fua o le tovine ua maua I le amio leaga
Ua fa’atalitali tagata mulilulua I le segisegi o lo’o fa’apea ifo e le iloa a’u e se tasi ua ia fa’apea ane e le iloa au e se tagata ma ufiufi ona mata.Ua agaleaga ina faafine pa.Ua tu’ulafoaina e ua oti o latou tane.
O le upu moni o lagona ua iai nei aso I le fa’atetele o le leaga ma le agasala. Na aafia ai fo’i tagata o le Atua I aso anamua e pei ona molimauina e Iopu. Ae ui I le fenumia’i ma tele fesili e tau faa agava’a ai le mana alofa o le Atua Soifua.
I le tele o puapuaga e aafia ai le tagata o lo’o ola I le amiotonu a le Atua.
Na ta’utino ma molimau Iopu I le alofa tunoa o loo soli I vae o tagata.
Fa’ailoa mai I molimau a Iopu E onosa’i le alofa o le Atua. Pei ona ia fai mai “Oute iloa ma le mautinoa O Lo’o soifua lou Fa’aola”
Poo fea lava e oo iai le leaga o le lalolagi. Ia manatua o lo’o soifua Ieova “E telegese lona toasa ae tele vave lona alofa.”
O le Alofa Tunoa ua fa’aolaina ai oe ma a’u. Talia o ia I loto ma manatua E lelei Mo oe’

1 comment: