Ma'i vasa

Mataupu; ma’i vasa.

Oute manatua le malaga a lau uo faifeau.
Na alu i le motu o Tuvalu.
O le malaga a le faifeau na ia tuua Funafuti mo le motu o Nukulaelae.
Ina ua afa le malaga a le vaa, ua amata fo’i ona sousou le sami.
O le taimi lea ua amata ona ma’i vasa tagata ae tusa ua ta le lua i le vave ao.
Ao faitau le tusi a le faifeau e vaai atu o fetagisi mai se tina ma lana fanau e toa lua .
Na o le tau fai faasuati ma fetagisi.
Na alu atu si faifeau faanonofo lelei i lalo.
Ma alu i le atoa i lalo ma asu ae vai e faa feinu ai le tina ma nai tamaiti.
E faa fa ona momo’e i lalo ma alu a’e i luga le faifeau ma apa vai.
Na manuia ma toafilemu le tina ma si ana fanau.
Ae te’i si faifeau i le miti mai o le tamaloa lapoa o loo ula lana tapaa ma taotooto i tafatafa o le tina.
Ma faasino lona lima i le apafafano ma geno mai e fia inu.
Na toe alu si faifeau i lalo e utu mai le apafafano mo le tamaloa.
Na iloa mulimuli ane e le faifeau O le alii lapoa lea.
O le toalua o le tina ma le tama o tamiti ia na tau faaola e le faifeau.
Ae sa nofonofo lava le lapoa ma taumafa lana tapaa.
O le alii lapoa foi lea O se tasi o alii taua nate faia tonu o le motu na malaga iai le faifeau.
Musumusu atu iai se tasi o tina i le faifeau “E!!!!! ana o au e le maumau iai sou taimi, aua o le masani a si alii le la.”
Tali le faifeau, E le afaina tina o uiga ia o le tala lelei.

Manatua se saunoaga a se tasi o tina lau iloa o le Malo Amerika.
E faapea “O le tauleleia ma le manuia o le atunuu ma ona tagata i au galuega, O lona amataga e le afua mai i le fale paepae ae amata mai i totonu o lou fale.
Ia aua nei pei i tatou o lau tama lapoa lea o lona olaga e nate faia tonu ma tali manao i le nuu ae tuulafoa’i lona aiga.

Tuu atu lou loto ia Iesu i lenei aso.
Ina ia muamua avea oe ma tala lelei i totonu o lou aiga..
Manatua “E lelei mo oe”