sui le pani keke i le apu

Sui le panikeke I le apu (2009)

Polokalame e lelei mo oe Talofa lava.

O le tagata ua iai le mafaufau ma ua tu’u atu lona loto I le faia o se suiga ina ia faapau pauna.

Ona ua tatau ona ola lelei I le soifua maloloina o le tino.

O le upu moni e le faigofie le faatinoina o le suiga. O le amataina o faamalosi tino,

Ae maise lava le itu lea o mea taumafa. O le faatauina o mea taumafa I le toe faaleleiia o le soifua maloloina faaletino o le tagata. Tatou te mautinoa ai o le mafuaga numera tasi lea ua mama’i ai le toatele o tagata.

E afua mai I le le lelei o mea ai e aai ai, ia ma le so’ona taumamafa ua tutupu mai ai fa’ama’i  I o tatou itu tino. E pei ona ua iai nei faama’i o le mai fatu, suka, ma le kanesa ma le tele o isi faama’i ‘ese’ese ua aafi ai tagata o le lalolagi.

Ae o le upu moni e ui ina le faigofie ona faatinoina le suiga lea,  I le faalelei o lou soifua maloloina ae o se iuga lelei tele pea tumau ai ma loto iai ia fa’ataunu’uina.

Aua e ui ina manaia le lolo o mea ‘ai o lo’o fiafia iai ae ia silafia lelei o loo ui mai ai iina auala e nofo pologa ai I le olaga atoa.

Na fetagisi ma valaau atu le fanauga a Isaraelu I le Atua. Ua le lav-va nofo pologa I totonu o Aikupito.

Na silafia lelei e le Atua o lo’o iai vaivaiga o tagata Eperu o lo’o fiafia iai. Ioe o le itu tau mea ‘ai.

Na alu atu Mose ma le feau a le Atua ae faasaga ‘ae tagata Eperu fetu’u ma faifai ma su’esu’e le fia pule o Mose.

O le moni le molimau lea na atua fo’i tagata Eperu I le manava. A tatou faitau lelei I mala e iva ma lona fa’atinoina. O le fa’aleagaina lea e le Atua o le tama o aiga o Aikupito. O se ata e le gata I Aikupito ao tagata Eperu ia latou iloa o le tasi lea o tupua o lo’o taofi I totonu o o latou loto.

Tatou manatua ina ua te’a le sami ulaula o atu le nu’u o Isaraelu I le fanua e taua o Mara ua fia feinu ai maua le vai eli ae oona. Ona fetagisi lea ma faifai Mose ma fai atu toe ave matou I Aikupito e tusa lava pe pologa ae suamalie vai.

Ina ua leai ni mea I le toafa na fai ane ma fetagisi ia Mose “Aue!!!! Ana matou nonofo lava I Aikupito I le suamalie o meleni ma mea ai lanu’ese’ese. Toe ave matou matou te oti I Aikupito.

A tu’u I se isi fa’aupuga e sili lava le oti I le pologa I Aikupito ae tumu ai le manava. Oute talitonu o lo’o totele tagata fa’apena I lenei seneturi.

Ua le mafai ona talia le suiga ma le faaolataga ona o le suamalie o mea a’i o le tino.

E le faigofie le sui o le panikeke ma le keke lolo I le apu. E le faigofie le sui mai o le pisupo lolo I le salaki kapisi.

Ae o le upu moni e lelei lea mo lou soifua maloloina.

Na fa’aolaina le nuu o Isaraelu ina usita’i e fasi le mamoe ma aai ai, ma sausauina le toto I pou o faitotoa.

E le o’o ai le sala I le tagata. E pei ona o’o I Aikupito.i le mala lona sefulu

Na amata mai I le loto o’o ane ai I le manava le suiga o loto o tagata Eperu lea na talia ai le toto e faasaoina mai ai. O fea o iai lou loto I lenei aso. Afai o taumafai e fai se suiga fou ia ola maloloina ai oe ia tumau ai aua e manuia lava lona taunu’uga.

Ia faapena fo’i lou ola faale -agaga

Talia le tino ma le toto o le tama’i mamoe a le Atua na fasia e magalo ai agasala O Iesu Keriso lava lea.

Ma manatua E lelei mo oe.