Raava agasala

Raava.
Na lu’i a’u e se tasi o au uo Rusia Ina ia ou faamatalaina ni uiga mata’utia o Ieova le Atua mai le Fegaiga Tuai.
Sa faapea lau uo o le a faapapa iai faititili ma emo o uila e faamatalaina ai le malosi o lou Atua .
Ae na ou faamanatu iai le tala ia Raava.
E tolu mafuaaga faaletonu e faasaga ia Raava e lulu ai ulu o tagata fai mafaufau pe a faatusatusa i le amiotonu a le Atua ma lona filifilia o le nuu o Isaraelu.

Muamua- O Raava O le tagata o nuu Ese.( Gentile)

Lua- O le tagata a nuu o le aai sa mumu ai le afi o le agasala sa leai se faamoemoe e faaolaina.
Na faatonuina e le Atua Iosua ina ia fetuu i le malaia le aai lea o Ieriko ma ia nutipalaina ma e le mafai e se tagata ona toe faatuina.

Lona tolu- O Raava o se fafine talitane (prostitute) faatau lona tino i tupe.
O faiga faa talitane i totonu o Ieriko e lagolagoina i tapuaiga faa Paala le atua o tagata Ieriko i ia onapo.
O lona mata’utia o le Atua Soifua.e iloa i lenei fafine
Aua o loo tusia i le Eperu 11 “O le faatuatua na le oti faatasi ai Raava le faifine talitane ma e na le faalogo, ina ua tali-filemuina e ia e na asiasi i le nuu.”
O se tasi o vaega taua ina ua ou su’esu’e loloto i le igoa o Raava.
O le uiga o le igoa Raava o le wide po’o le lautele. E faamatalaina ai se fanua tele ma lautele.
O le uiga o le igoa o Raava e faamatalaina ai le mat’utia ma le lautele o le Alofa o le Atua Soifua.
O le tala ia Raava e faaalia ai le mata’utia o le alofa o le Atua.
Aua tatou te mautinoa ai e leai se agasala e sili atu lona mata’utia nai lo le mata’utia o le alofa o le Atua.
O lona uiga e mafaia e le Atua ona faamagalo agasala uma.
O le isi lea pa puipui ua le mafai ai ona tatou tatala atu le alofa o le Atua.
I tagata e iai Raava, Aua ua faapea ane tagata kerisiano. E!!! ua malaia ua leai se fofo.
O le au fasi oti tagata, o pa’u mumuku se’i tulou, o olaga faafine ma faaSotoma.
O tagata gaoi, toso teine faamalosi. Ma le toatele ua faatumulia ai le lalolagi.o loo lokaina i le fale puipui.
Ua faapea ane foi tagata lolotu e le faapei matou o tagata amio leaga ia. Ona ua iai le manatu ua mata’utia tele le agasala e le mafai ona faasaoina.
Ae peita’i O le mata’utia o le Atua e silisili lea, Aua e le gata i le faasaoina o Raava le fafine talitane. O le faafine Ese mai le nuu agasala. Ae na toe tatala atu iai le lautele o le alofa tunoa o le Atua Soifua.
Na faaipoipo atu Raava i le tagata o le ituagia o Iuta ma fanau ai Poasa lea na nonofo ma Ruta le fafine Moapi ma fanau ai Opeta le tama o Iese le tama o Tavita le ituaiga lea na fanau mai ai le Mesia. “ E mata’utia E mata’utia E mata’utia lava o Ia” E pei upu o le pese.
Fai mai lau uo Musalemu “Your God is crazy!!” sa ou tali iai “ Yes hes crazy inlove with You.
Afai o faafofoga mai se tina talitane ma latou uma o ola i le loloto o le agasala.
Oute ta’utino atu “E alofa le Atua Soifua ia te oe. Sa teu i le fatu o Iesu oe ao tautau i le Satauro
Talia o Ia i lou loto ma e liliu ese mai le agasala e manuia ma fiafia ai oe e pei o Raava. Manatua “E lelei Mo oe.