O le mea tuai lava

O le mea tuai lava
O le tali masani o aiga o Samoa, Pea vili atu pe vili mai fo’i
A fesili atu “O a mai outou??? Ae pei se tauloto masani le vave oso mai
“ Ia o le mea tuai lava”
Ioe!! E o atu ma o mai ae le suia lava se tali “ O le mea lava e tasi ia poo Samoa ia Samoa!!!
Matou talanoa ma au uo ma taufa’avasega lenei fa’aupuga. Ae maise pea mana’o mai i se tupe

E vavaeina la i vaega e lua.
O le maga muamua o le tauloto “ O le mea tuai lava”
O le mea tuai lava i Samoa.
E nonofo fua i fanua ma fale E le pulea i matou e papalagi Initia ma Saina.
E le leai se tulafono i faiga o fale pe fale o’o, pe fale apa, fale launiu..
E le faasaina le faafagafaoina o meaola ma manulele I o matou aiga ma nuu.
E le pei o outou i Niu Sila e faasa ona fafaga moa ma puaa io outou tuafale.
E tele lava ina maua fua a matou mea ai aano i fua o faatoaga
E ola faasoloatoa io matou lumafale ma tuafale
E le faatapulaaina figota ma ia pea matou o matou te fagogota E pule lava matou
E pule lava matou i le taimi matou te feala ai.e fai a matou feau.
E leai se tagata fia ai aua o lau aganuu e ola fetufaa’i
E lolotu tagata uma
E leai ni tagata gaoi faletupe ma faleoloa vanaga ai le aufaigaluega lava ia.
O faalavelave A e alu atu ma le ietoga e tasi e te toe fo’i mai isi ietoga faaopopo iai mase pusa pisupo.
Oka le manaia “O le mea tuai lava” lona uiga E maoae le manuia o Samoa!!!
Maga lona lua, “ O le mea tuai lava”
Fai mai le matou lo’omatua. Na ta’a volley polo mai lava o talavou o lea lava e ola ai
Na inu pia mai lava i tausaga e tele O lea lava e faavalevalea solo ai.
Na ai tapa’a mai lava o laititi o lea lava e taleuu solo ai ma susunu ai tupe.
Na gaoi ma pepelo mai lava Ia lenei lava e tumau ai
Na paie ma le alu e fai se maumaga ia o lenei lava e ola faasevasevaloaina ai faapenei.
O le matou vaega lea e aafia i le maga lona lua.
E taunuu ai le agaga a le matou loomatua. “ E fia ai le pusi i le ‘ia ae musu e susu vae i le sami”
Faamanatu mai e le Tusi Paia i tagata uma Le fofo o le olaga tuai
“O se ua ia Keriso o le tagata fou ia. Talia Iesu ma ou Faaola
E te maua ai se olaga fou. O le a mafai ai ona sui le tauloto mai i le mea tuai lava.
Ae ua manuia ma fiafia lava matou ia Iesu
Manatua “E lelei M oe.