samoa felanulanua'i

Samoa felanulanu’ai..Polokalame “E lelei M-Oe Talofa lava
Sa talanoa ni tagata popoto ma taumamafa i le faleaiga o Mac Donald. Ae sa mata’ina le toatele o tagata ma lanu o latou laei.sa o ane faatau i le faleaiga o Mc Donald
Ae o le tele o tagata sa tula’i mai le feesese’ai o laei o tagata o le Pasefika sa pei e iai se lagona a’amu ona o le le fetaui o lanu o laei. Ia e tele lava mafua’aga e ala ai ona faapea le o’ofu lanu eseese o tagata o le Pasefika. Ao talanoa le vaega ma fa’aali manatu.
Ae sa manaia le manatu atamai o le alii Samoa sa faapea ane i ana uo ma inuinu malie lana ipu kofe.
Ma ona foliga filemu ma faalagolago ona lima i luga ole laulau ma pei e musumusu atu i ana uo.
Ma tautala atu e pei ose faamafanafanaga i lona leo malu.
Tout e iloa ea. O Samoa na afua mai ai lanu uma o le lalolagi.
Lanu meamata: O le faaailoga o le ola lelei ma le filemu ma le faamoemoe ola.. faalogo i upu o le pese a Jerome Fanene “We are Samoan” lau fanua lanumeata e ufiufi ai Samoa ( lush n green) e silisili ai Samoa.
Lanu moana: O aso uma lava e lanu moana le lagi lanu moana le sami..e te sivasiva ma faataupati ma tausami lau palusami...E aumai e le va nimonimo le filemu e seasea iai se puao e pupuni ai lona matagofie “because we are people of the sun.
Lanu samasama: O le atata o matou Samoa o tagata fiafia i le ata. O le mea lea e masani ai ona maua le matou agaga. O le Samoa e fiafia e ata i mea valea... Ae leai o Samoa e fiafia lava e ata i le olaga nei o mea lelei ma mea leaga..ia faafetai Iopu faamanatu mai. O le tele o fugalau samsama i Samoa e faailoa a ii le lalolagi o matou o laughing Samoans; aua o le vaila’au lelei mo le tagata uma o le lalolagi.
Lanu moli: Ia ili le foa-foa o le oso ae o le la ma le goto ifo o le la e iloa ai lou ola maloloina..vaai i luga o lou laulau aina o fualaau eseese mai fua o a matou faatoaga e lelei lona natura e leai ni vailaau. O mago ma esi ma talo ma fai kukama pi ma isi fualaau e maua ai vaitamini lelei mole tino maloloina. O Samoa e molemole tino o alii ma tamaita’i e le o le mafuaaga lea ua lolofi atu ai le lalolagi i Samoa e faalanu moli o latou tino i luga o matafaga..
Lanu mumu: O le matou tagavai e e tele lona lanu mumu o le toto ole malosi ma le saili malo e tutusa matou ma Toga o le ala lea matou te fetaua’i ai ae. Ae o le toto o Iesu ua mafai ai ona matou misa ma toe fefaauo ‘ai. O lanu o le alofa.. O Samoa e malosi lana tu ma aga i le alofa.
Lanu viole: O le lanu o le mamalu it u ma aga fa’atupu. E pei ona molilamu e le Ao ole malo Samoa Malietoa Tanumafili le 2 ua tuua le malo mo le isi malo. O Samoa e tupu uma tagata. O matou o Samoa e tau uma o matou aa i aiga tupu.
Lanu paepae: o le filemu.. O le vaa na avatu ai le feau o le talalelei muamua i Samoa “Savali o le filemu” O tagata Pasefika o tagata e fiafia i le filemu. O nei lanu uma e fiafia iai tagata Samoa o lanu ia o loo teuteuina ai le fatu ma le agaga o le TUPU-SILISILI O IESU KERISO.. O lona matagofie lea e laei ai tagata Pasefika.
O lenei le lalolagi.. Ia talia le matou Tupu o Iesu Keriso e avea ma ou faaola ona felanulanua’i ai lea o lou olaga e pei o Samoa. Ma manatua E Lelei Mo Oe.